【中國有嘻哈】潘瑋柏MC Hotdog嫌MC Jin:英文稍嫌多了一些
2017年07月17日07:00

呢排網上講得最多嘅就一定係hip hop真人騷《中國有嘻哈》,吳亦凡一句「有freestyle嗎?」被人玩到依家!

節目除咗「你有freestyle嗎?」呢個噱頭之外,就要數蒙面參賽者,但一聽就知係MC Jin歐陽靖嘅Hip-Hop Man!喺外國贏過黑人,上埋Billboard Top 200 Albums Chart嘅佢,嚟比賽當然「屈晒機」喇,之旦係幾位評審唔係咁諗喇!

最新一集Hip Hop Man用中、英夾雜咁唱,不過過評審們就針住中文個point話佢,好似潘瑋柏就話:「其實我希望多看到中文。」而MC Hotdog就話:「我覺得英文真係稍嫌多了一些,因為《中國有嘻哈》再怎麼說也是第一屆嘛,我真希望第一屆出來的優勝選手,還是真的必須是不管是普通話也好、方言也好,他不應該是英文那麼多的一個優勝選手。」

最後節目就係Hip Hop Man喺台上話:「好了,我走了,ok!byebye,美國見!」唔通MC Jin最後被淘汰?

節目出街後MC Hotdog同潘瑋柏狂畀網民話,有網民就問佢哋話晒hip hop係美國文化,點解唔講得英文。MC Hotdog就喺fb回應:「我讓你們罵,我理解,也沒什麼好說的,誰不想當好人。那些罵我的最好在下禮拜新1集播出之後每個人都過來跟我道歉,不然我們就.....美國見。放輕鬆點嘛大家 祝大家週末愉快!」似乎MC Jin有得留低。

其實綜藝節目最緊要gimmick,有gimmick先多人討論,無論MC Hotdog同潘瑋柏係咪真心,今次大贏家點計都係《中國有嘻哈》!

關注我們Facebook專頁
    相關新聞
      更多瀏覽